25N

Día Internacional contra a Violencia de Xénero

Guadi Galego

POR UNHA LINGUA CHEA DE VIDA

POR UN ENSINO CHEO DE VIDA

POR UNHA MOCIDADE CHEA DE VIDA

POR UNHA VIDA CHEA DE MÚSICA

Samaín, Noite de defuntos

 CANCIÓNS DE SAMAÍN

Despedida

Ola a tod@s!

Primeiro decirvos que estou moi agradecida a tod@s pola vosa adicación, traballo e implicación. Dende que cheguei ao cole de Monterroso, no ano 2012, leveime gratas sorpresas cos alumn@s. Sempre con ganas de aprender, de mellorar e sobre todo de superarse!

Este curso ademais de ser distinto para tod@s, tócame despedirme de todos vós. Resulta unha despedida un tanto extraña, xa que o que máis me gustaría antes de irme sería recibir o voso agarimo, dos meus alumn@s; dos que cada día aprendo que o meu traballo non consiste en ensinar o que se pode aprender, senón en acender a imaxinación, incentivar a curiosidade, a creatividade...

Mil GRAZAS ás familias por animar aos vosos fillos a tocar cada día e sobre todo, por educalos con música, que para min como docente é fundamental.

Mil PARABÉNS aos meus alumn@s por adaptarse a cada unha das circunstancias, dando sempre a altura e esforzándose coas tarefas día tras día. Sodes uns campeóns, fixéstelo xenial!

Sei que me quedan as portas abertas no Ceip Plurilingüe de Monterroso e quero que saibades que podedes contar conmigo para o que necesitedes. Deséxovos a tod@s o mellor e que pasedes un FELIZ VERÁN!! xa que o tedes máis que merecido!!

Moitos bicos e apertas para toda a comunidade educativa do Ceip de Monterroso.

Que a música estea sempre presente nas vosas vidas e con ela un anaquiño do meu corazón.

A profe Bea 💗

Beethoven

Ludwig van Beethoven, nado en Bonn o 16 de decembro de 1770 e finado en Viena o 26 de marzo de 1827, foi un célebre compositor, director de orquestra e pianista alemán. O seu legado musical abarca, cronoloxicamente, desde o período clásico ata inicios do romanticismo musical. É un dos compositores máis importantes da historia da música e o seu legado influíu de forma decisiva na música posterior. 

 A súa produción inclúe os xéneros pianísticos (trinta e dúas sonatas para piano), de cámara (dezaseis cuartetos de corda, sete tríos, dez sonatas para violín e piano), vocal (lieder e unha ópera), concertante (cinco concertos para piano e orquestra, un concerto para violín e orquestra), dúas misas e orquestal (nove sinfonías, aberturas etc.), entre as que se atopa o ciclo das Nove Sinfonías.

Con todos vós a 5ª Sinfonía

 

Xabier Díaz

Xabier Díaz, nado na Coruña o 22 de agosto de 1969, é un músico galego. Cantante, compositor, investigador e compilador de música tradicional, formou parte de Rumbadeira, Nova Galega de Danza, aCadaCanto e Berrogüetto.

Colaborou en discos e concertos de diferentes artistas, como Kepa Junkera, Xosé Manuel Budiño, Carmen París, Amancio Prada, Luar na Lubre, Uxía ou Os Cempés. Así mesmo, a súa presenza nos escenarios non só se circunscribe ao ámbito galego senón a lugares como México, Zimbawe, Alemaña, Uruguai, Italia, Perú, Dinamarca, Francia, Suíza, Arxentina ou Bélxica.

No ano 2015 editou The tambourine man xunto ás Adufeiras de Salitre, que obtivo o galardón ao mellor disco galego nos Premios de la Música Independiente (2016) e ao mellor álbum na categoría de música tradicional dos Premios Martín Codax da Música(2016). Alén diso, The tambourine man, permitiulle manterse no top ten da World Music Charts Europe nos meses de febreiro e marzo de 2016. Publicou canda as Adufeiras de Salitre outros dous discos: Noró, en 2018, e As catedrais silenciadas, en 2020.

Se queres ter máis información podes visitar a súa páx web: https://xabierdiaz.com/es/

Bo fin de semana!!

A música é un idioma UNIVERSAL!!

https://www.facebook.com/xabierdiazmusic/videos/235481351078709/

Isaac et Nora

Aquí vos deixo a habanera "Veinte años" marabillosamente interpretada por Isaac de 11 anos e Nora de 8, aficionados á música grazas ao seu pai Nicolás, orixinario de Seúl, Corea do Sur. 

Con letra de Guillermina Aramburú e música de María Teresa Vera, quen a cantou durante moitos anos e inmortalizouna! Interpretada entre outros por Omara Portuondo, Ibrahím Ferrer... e o 1 de xuño de 2019 por estes dous nenos franceses que a fixeron viral en internet. 

Que teñades un feliz fin de semana!

Pinto a cara do sol

Trátase de debuxar ao ritmo da canción!! Primeiro debemos aprender moi ben a canción e logo debuxamos. Podedes debuxar co que queirades: rotuladores, ceras, pinceis, lápices de cores, bolígrafos, etc. Co que máis vos apeteza e teñades á man!

1º.- Aprendemos ben a canción con este audio:

"Pinto la cara del sol,

pinto la cara del sol, 

con muchos rayitos a su alrededor.

Un ojo, dos ojos

y un gran bocatón

y muchas pequitas cuando hace calor."

                                            (Tita Maya)

2º.- Vemos este vídeo e practicamos o debuxo nun papel primeiro cantando nós e despois coa música do vídeo.

As familias

Con esta curta quero facer un pequeno homenaxe a todas as familias que vos unistedes as miñas propostas musicais. Moitos estades enviándome audios, fichas, debuxos, vídeos que o demostran. Porén, non sempre os pais sabedes/sodes músicos, pero sí estades animando aos vosos fill@s a tocar cada día e, sobre todo, estádelos educando con música, que para min, como docente, é fundamental. 

Así que, sólo podo darvos as grazas!

A world with music is a wonderful one! 
Que teñades bo fin de semana!

Recoñecemento auditivo

Aquí vos deixo unha actividade de recoñecemento auditivo sobre animais e instrumentos musicais

Para Infantil, 1º e 2º de Primaria.

Cando rematedes tedes que pulsar no botón "Terminado" e enviarme as respostas, introducindo o voso nome, curso, asignatura e mail: beagarclarinete@gmail.com

Non esquezades premer en "enviar" 

Reconocimiento audivo, una ficha interactiva de MarianS
liveworksheets.com

Jazz Lullabies

Escoitar música provoca a liberación de dopamina no noso cerebro. A dopamina é un neurotransmisor que promove sentimentos de felicidade e excitación. Algúns estudos coinciden en que as persoas poden ser mellores para resolver problemas cando se atopan nun estado de ánimo positivo en comparación con cando se atopan nun estado de ánimo negativo ou neutral. Así que pode converterse nun bo aliado ao afrontar retos no traballo ou no estudo.

Beneficios de estudar con música:

- Unha música tranquila e relaxante pode axudar aos estudantes a superar o estrés ou a ansiedade mentres estudan.

- A música de fondo pode mellorar o foco nunha tarefa proporcionando motivación e mellorando o estado de ánimo. Durante longas sesións de estudo, a música pode axudar á resistencia.

- Nalgúns casos, os estudantes descubriron que a música axuda coa memorización, creando probablemente un estado de ánimo positivo, o que indirectamente aumenta a formación de memoria.

Proposta para Infantil e 1º ciclo: Esta música relaxante é para que os nen@s pinten e se inspiren no seu traballo creativo. Usar música para pintar é un bo xeito de potenciar a creatividade!

Germán Díaz

Germán Díaz (Valladolid, 13 de decembro de 1978) é un músico español que reside en Arneiro. Compositor e intérprete de Hurdy Gurdy, considérase un dos intérpretes máis innovadores deste instrumento en Europa e algúns chamáronlle "o Jimi Hendrix of Hurdy Gurdy". É coñecido pola súa fusión da música tradicional co jazz, xénero no que destacan as súas colaboracións co baixista galego Baldo Martínez.

Preme aquí se queres ter máis información sobre os seus discos, instrumentos, talleres didácticos, etc.

Aquí vos deixo un vídeo adicado a tod@s vós!

"Para que los niños nunca dejen de cantar y de soñar cuentos... letra de Paula Carballeira: Os sete ananiños"

"Una canción para tod@s l@s niñ@s, que nos hacen mejores personas, y nos dan alivio y luz en estos tiempos inciertos"

Paloma Pinto Viloria

A clarinetista lucense Paloma Pinto Viloria, membro da Sinfonieta de Jönköping ofrece baile e música como unha revelación no clip da orquestra na que traballa. Aquí un párrafo da Contradanza, escrita polo clarinetista cubano e saxofonista Paquito D´Rivera e forma parte da actuación infantil "Canciones, play sonidos"

Como na orquestra non poden actuar xuntos, crearon cuartetos, pequenas agrupacións, solistas para actuar en colexios, residencias, etc. Paloma gravou este ensaio dunha obra que preparan para os colexios.

Sabedes o que di cando fala no final do vídeo?

“Hola, me llamo Paloma y soy clarinetista en la Sinfonietta de Jönköping. Ahora estoy ensayando para una grabación que junto con dos de mis compañeras de la orquesta, Lou y Kerstin, vamos a hacer  una producción para niños. En ella además de tocar nuestros intrumentos, hablamos en diferentes idiomas y bailamos y... Resulta que tocar el clarinete y bailar al mismo tiempo no es tan fácil como yo pensaba...Creo que necesito seguir practicando!"

Bo fin de semana para tod@s!

Obradoiro lúdico musical

Neste Obradoiro trabállanse conceptos básicos da linguaxe musical e a interpretación vocal. Está dirixido por Esperanza Mara, música profesional, profesora, investigadora musical e monitora de musicoterapia.

Nesta primeira sesión fai fincapé no canto, o pentagrama, a intensidade, a clave de Sol, as figuras musicais, percusión corporal, pequenos instrumentos, coreografía e o protocolo a seguir para facer un concerto :1. Entrada, 2. Concentración, 3. Actuación , 4. Agradecemento e 5.Fin.

Aí vén o maio!

Os maios é o nome dun festival popular galego que forma parte do chamado ciclo de maio, un tempo de exaltación da natureza a principios da primavera, cuxas orixes se remontan ás civilizacións prerromanas. Adoita celebrarse ao redor do 1 de maio. Durante as festas, representacións, bailes e cancións realízanse arredor dos maios, estruturas tradicionalmente inspiradas nas figuras das árbores pero que hoxe adoptan formas máis variadas, con adornos de flores, follas e froitos.

Neste mes tradicionalmente celebrábase por toda Galicia a festa dos Maios, en cada zona xeográfica cunha representación diferente: así temos maios cónicos, maios figurados, Maias, e na provincia de Lugo os Maios humanos, xa descritos por Álvaro Cunqueiro. Este tipo de celebración pagá, tiña como fin celebrala chegada do bo tempo, tiña un fin propiciatorio para obter boas colleitas, afastar as inclemencias meteorolóxicas. Tamén a chegada do florecer e espertar da nai natureza.

Había dous tipos de cantigas para cantar arredor dos maios. Son raras as composicións tradicionais (só sobreviven en Portomarín e Lourenzá), que se aprenden e repiten ano tras ano. Máis comúns son os textos que se redactaron para cada ano, recollendo feitos da actualidade e, cada vez máis, críticas políticas. Estas coplas están impresas en follas cortadas que se venden aos asistentes. O museo de Pontevedra e a biblioteca Ben-Cho-Shey (na deputación de Ourense) contan con extensas coleccións que se cantaron ao longo do século XX. Nalgúns deles, comprobáronse os efectos da censura que modificaban os textos que a autoridade de servizo consideraba inapropiados.

Por todo isto, ahí vai o Maio, e que nesta ocasión espante a este coronavirus, e nos permita voltar a reencontrarnos todas e todos. 

 Que teñades un bo fin de semana!!

O MAIO

Aí vén o maio
de frores cuberto ...
Puxéronse á porta
cantándome os nenos;
i os puchos furados
pra min estendendo,
pedíronme crocas
dos meus castiñeiros.

Pasai, rapaciños,
calados e quedos;
que o que é polo de hoxe
que darvos non teño.
Eu sonvos o probe
do pobo gallego:
pra min non hai maio,
pra min sempre é inverno! ...

Cando eu me atopare
de donos liberto
i o pan non me quiten
trabucos e préstemos,
e como os do abade
frorezan meus eidos,
chegado habrá estonces
o maio que eu quero ...

Queredes castañas
dos meus castiñeiros? ...
Cantádeme un maio
sin bruxas nin demos;
un maio sin segas,
usuras nin preitos,
sin quintas, nin portas,
nin foros, nin cregos.

Manuel Curros Enríquez, Aires da miña terra

Cantado e musicado por Luis Emilio Batallán

Día Internacional da Danza

En 1982, por iniciativa do Comité Internacional de Danza, foi proclamado pola UNESCO o 29 de abril como

 Día Internacional da Danza.

O obxetivo do Día Internacional da Danza é reunir a todos os que elixen esta forma de expresión para superar todo tipo de barreiras culturais, políticas e éticas e celebrar a danza e a súa diversidade.

Con esta celebración búscase fomentar a participación e a atención do público sobre a importancia do arte e a cultura da danza. 

A mellor forma para celebrar este día é simplemente bailar. Disfrutemos da danza e a música cos nosos irmáns, pai, nai ou familiares. Intentemos bailar algo que xamais practicaramos: salsa, rumba, tango, chachachá, tap, hip hop, etc. 

Celebremos o baile con alegría!!

Busquemos vídeos ou películas relacionadas co ballet e vexámola en familia ou deixemos que os máis pequeños nos preparen un bo espectáculo. En fin, compartamos e expresémonos a través do baile. E non olvides compartir a tua experiencia conmigo!!

Dende o Servizo de Educación, Mediación, Información e Asistencia ao Público (Fundación Cidade da Cultura de Galicia) tamén nos envían unha ficha didáctica para o alumnado de primaria para celebrar o Día da Danza.

Coa axuda da Raposa Fedella, presentan un percorrido no que viaxaremos desde o neolítico, ao antigo Exipto, á Idade Media ata actualidade; nunha travesía na que  hai que resolver enigmas, descifrar un xeroglífico... para descubrir a fascinante historia da danza a través da pintura.

Así que se tes tempo, preme no seguinte enlace para acceder á ficha:

https://www.cidadedacultura.gal/gl/system/files/downloads/2020/04/fedella_danza_a_danzana_pintura.pdf

Tocar un piano entre sete persoas?

A creatividade, o traballo en equipo e a sincronización unidas para obter un resultado increíble!

Aquí vos deixo un vídeo no que se demostra cómo se pode tocar un piano entre sete persoas! 

Feliz domingo!!

Moi feliz Día do libro!!

E hoxe 23 de abril de 2020 non podía pasar sen desexarvos a tod@s un moi moi  

Feliz Día do Libro 

e ademais aconsellarvos que leades moito nestes tempos de confinamento e que o pasedes xenial rodeados de grandes historias que vos leven a mundos fermosos e inimaxinables.

Déixovos aquí as miñas recomendacións:

As partes do corpo...

Para os meus pequerrech@s  deixo aquí unha recompilación de cancións para repasar as diferentes partes do corpo.

"Cabeza, ombreiro, xeonllo e pé"

"Co meu dediño..."

"O mariñeiro baila"

"A cabeza si, a cabeza non"

Non todo vai ser estudar...

E como non todo vai ser estudar aquí vos deixo unha proposta musical ben divertida de Paquito Chocolatero. Así que deixade o lápis e a libreta e collede os apeiros!!

Ides necesitar: 1 cazo, 1 tixola e 2 culleres.

Poñede o audio a todo volume e seguide o musicograma!!!